پیدا





نییه بیزه اینانمیرلار؟!

درخواست حذف اطلاعات

نییه بیزه اینانمیرلار؟! دوکتور جئری ائله بیل دونن ایدی؛ عسگرلیک خیدمتینی تزه بیتیرمیشدیم. بیر گون ایش دالیجا بازاری الک-ولک ائله ینده، اسکی قونشوموز رحمتلیک عبدیله توش گلدیم. اؤپوش-گؤروشدن سونرا ایشسیزلیگیمی آنلادی: - ایسته سن گل بیرگه ایشله یک.- دئدی. سئوینجله: -نه ایشی؟!-دئیه سوروشدوم. - عقرب ایشی- دئدی. یردیغیمی گؤرونجه آرتیردی: - دوکتور ژورانی تانیبیرسان؟ ژورا دوکتورو ایدی. باشیملا هه دئدیم. عبدیل آچیقلادی: - دوکتور عقرب آلیر. دئییرلر؛ عقربلرین آغیسیندان(زهریندن) کئییتمه درمانی دوزلدیر. قارا عقربلری یوزه، ساری عقربلری ایسه اللی تومنه گؤتورور. من اوچ-دؤرد گوندور عقرب اوولاماغا گئدیرم. نئجه اولسا فهله حاققی چیخیر.. - هله عقربلری هارادان تاپیرسان؟! - عقرب چو اق خارابا یئرلرده اولار، شهرده ده نه بول خارابا ائو! *** ائرته سی گوندن، عبدیله قوشولوب عقرب اوولاماغا گئتدیم. ایشلر یاخشی گئدیردی. گونده بئش-اون عقرب اوولایاراق جیمی چیخاردیردیم. بیر گون عقرب اوووندان قاییداندا عبدیل اوزگون-اوزگون دئدی: - بئله اولماز!! - نئجه یعنی بئله اولماز؟! - توتدوغوموز عقربلرین یاریدان چوخو ساری دیر؛ هئچ بیلیرسن گونده نئچه تومن ضرر ائله ییریک؟!! برکدن گولدوم: - ضرر؟!! -.... مطبین ه عبدیل منی ائولرینه چکدی. یاریم ساعاتدان، گؤزلریمه اینانا بیلمیردیم. عبدیل سوبانین هیسی ایله ساری عقربلری ائله بویامیشدی، قارا عقربلردن سئچمک اولموردو! او آخشام عقربلری پول ائله یندن سونرا اؤِزوموزو چیلووکابابا قوناق ائله دیک! ایکی گون سونرا، عقرب شوشه لرینی ماسا نین اوستونه قویاندا دوکتور ژورا بیر قارا عقربلره، بیر بیزه باخیب دئدی: - موسولمانلار! بوندان بئله سیزین عقربلریز قارا دا اولسا اللی تومنه آلاجاغام!!



وصیت

درخواست حذف اطلاعات

وصیت دوکتور جئری شیخ آغا اؤلوم یاتاغینا دوشموشدو. آروادینی یانینا چاغیریب وصیت ائله ییر: - آرواد! سندن ایسته ییرم، مندن سونرا قالماییب اره گئده سن. آرواد سیزلاییر: - باش اوسته! - منی سئودیگین قدر اونو دا سئوه سن. آرواد اؤکوتمه وورور: - باش اوسته! - پ ارلارینی یویاسان. آرواد دیزلرینه تاپ ر: - باش اوسته! - سحر ایشه گئدنده بیله سینی یولا سالاسان. آرواد اوزونو چیرماقلاییر: - باش اوسته! - ناهار ائوه گلنده بیله کوفته-شوربا پیشیره سن. آرواد باشینی توولاییر: - او کوفته-شوربا سئومز!



قیل کؤ و

درخواست حذف اطلاعات

قیل کؤ و دوکتور جئری قیام-قیامت اولموشدو. قیل کؤ ونون گیره جگی قالابالیق ایدی. کؤ و ملگی نین گؤستریشی ایله جاماعات یاواش-یاواش کؤ ودن گئچمکده ایدی. کؤ و اوستونده، کیمی لری نین آیاغی بودره ییب جهنمه دوشور، کیمی لری ایسه گئچیب جنته آیاق باسیردیلار. سیرا، ترس آوا کندی نین بؤیوک باشلارینا چاتدی. باشدا کئفلی ایسکندر اولماقلا، دوکتور جئری، کل اوغلان، قلئیچی مورتوض دایانمیشدی. قلئیچی مورتوض، دده لیگی شیخ آغانین الیندن یاپیشمیشدی. کؤ ونون ملگی، رنگ-روفلاری قاچیمیش، دیریم-دیریم تیتره ین ترس آوالیلاری گؤزدن گئچیرنده سوروشدو: - سیز ترس آوالی سیز؟!! ترس آوالیلار، دیقّتله ملگین اوزونه باخدیلار. بیردن گؤزلری نین ایچی گولدو. کؤ ونون ملگی تانیش ایدی. کئفلی ایسکندر جوشقول : - اده سن... ملک تئز بارماغینی دوداقلارینا باسدی: - سوس س س... کل اوغلان اوزونتو ایله سوروشدو: - اؤزون بیلیرسن بیزیم اوزوموز قارا، کؤ ونو گئچمگه اومودوموز یوخدور. بیزه بیر یاردیم ائده بیلرسن؟! کؤ ونون ملگی بیر آز دوشونجه یه دالدیقدان سونرا: - کؤ ودن گئچنده، سیزی گوناها باتیرمیش نسنه نی آشاغی آتساز گئچه بیلرسیز!-دئیه یانیت وئردی. باشدا، کئفلی ایسکندر چاغیر شوشه سینی جهنّمین آلاولاری ایچینه آتاراق قیل کؤ ودن گئچدی. آردیجا، دوکتور جئری جراحلیق کیفینی آشاغییا تولازلادی. سونرا کل اوغلان، شئعیر دفترینی بوراخدی. بو اوچو جنته ده بیر-بیرینی قوجاقلاییب سئوینجدن آغلاشارکن، قلئیچی مورتوض گوله-گوله بونلارا یاخینلاشدی. هامی یردی. کل اوغلان اؤزونو ساخلایا بیلمه دی: - اولان! سن مین بیر گوناه ایشله میسن، نفت دکلی اوغورلامیسان، میلیارد-میلیارد پول آشیرمیسان، تون-تون قیزیل اویان-بویان ائله میسن، قاچاقچیلیق یاپمیسان ، سیم-سانجاق ایشینده اولموسان، عاراق-شاراب ساتمیسان، عفت ائوی آچمیسان،خالقین بترینی باشینا چئویرمیسن، سن نئجه کؤ ونو گئچه بیلدین؟!! قلئیچی مورتوض قاققاناق چکیب گولدو: - من دده لیگیمی آشاغییا ایته له دیم!



مسئوللارین گؤزلری

درخواست حذف اطلاعات

مسئوللارین گؤزلری دوکتور جئری اوستاد دفتری دئییردی؛ مدرسه نین دفترینده اوتورموشدوم. بیر کیشی تلَسیک ایچری گیردی: - منیم یئتیمیمی چاغیرین گلسین! گولومسه یه رک سوروشدوم: - آغازاده نین آدی نمنه دیر؟ اوشاغین آدینی دئدیکده، یئنه سوروشدوم: - هانسی کیلاسدا اوخویور؟ کیشی بیر گؤزونو قییاراق دئدی: - بیر گؤزومه سککیزده اوخویور، بیر گؤزومه ده دوققوزدا!! سککیزینجی ، دوققوزونجو صینیفلرین سییاهیسینا باخدیم، اوشاغین آدینی تاپا بیلمه دیم. - آرخایینسیز، آغازاده بو مدرسه ده اوخویور؟! کیشی یئنه گؤزونو قییدی: - بیر گؤزومه بو مدرسه ده اوخویور، بیر گؤزومه ده بو کوچه باشینداکی مدرسه ده!!



...قیللی الینه دوشموشوک!

درخواست حذف اطلاعات

...قیللی الینه دوشموشوک! دوکتور جئری ایندی، هر کیم گونده لیک چؤرگینی کوچه باشینداکی چؤرکخانادان آلیر. آنجاق اسکیلرده بئله دئییلدی. او زامانلار، خالق اؤزو بوغدا اکیب، اؤزو بچیب، اؤزو دؤیوب، اؤزو ساووروب، اؤزو اویودوب، اؤزو چؤرک یاپاردی. پاییزی، بوغدا چواللاری دگیرماندا سیرایا دوزولنده، قولو گوجلولر، هامیدان قاباق بوغدالارینی دارتاردیلار؛ السیز-آیاقسیزلار ایسه یئددی گئجه، یئددی گوندوز سیرالاردا گؤزله ملی اولور ار. ترس آوا کندی نین قولو گوجلولریندن بیری ده قلئیچی مورتوض ایدی. او، دگیرمانا گیرنده، هره نی بیریانا ایته له یه رک قاباغا گئچردی. دگیرمانچی دا قورخوسوندان جینقیرینی چیخارتماییب قولوچوماق قلئیچی نین بوغدالارینی دگیرمانین بوغازینا بوشالداردی... هر ایل، قلئیچی مورتوض دگیرماندان قاییداندا، خالاسی اری کئفلی ایسکندر اونو بیر قیراغا چکیب،" اوغول! خالقا اذیت ائله مه، بو ایشلردن ال چک!" دئیه اؤیود وئرردی. قلئیچی مورتوض بو سؤزلره قاققاناق چکیب گولنده، کئفلی ایسکندر اؤفکه نیب دئیردی: "اوغول! سن هله گؤتو قیللی الینه دوشمه میسن!!". او ایل یئنه قلئیچی مورتوض بوغدا چواللارینی ائششگین بئلینه چاتیب دگیرمانا یولل . ایچری گیرجک یئنه هره نی بیر یانا ایته له یه رک قاباغا گئچدی. بیردن، داشین دلیندان اوجا بوی، ساری باش، گؤی گؤز بیر اوغلان ائشیگه چیخدی. گئن بیر شالوارجیق گئیمیشدی. او، دگیرمانچی نین اوغلو- دلی توراب ایدی. دگیرمانچی خسته لنیب او گون ایشه گلمه میشدی. دلی توراب، قلئیچی مورتوضون قاباغا گئچدیگینی گؤرموشدو سانکی. بارماغی ایله سیرانین دیبینی گؤستره رک قشقیردی: - گئچ سیرایا!! قلئیچی مورتوض گولومسوندو: - ائله بیل منی تانیمادین، ترس آوانین شیخ آغاسی منیم دده لیگمدیر!! دلی توراب سایمازجاسینا یئنه باغیردی: - کیم اولورسان اول، گئچ سیرایا!! قلئیچی مورتوض قیزیب الی ایله دلی تور دالی یا ایته له ینده، او قلئیچی نین یاخاسیندا یاپیشیب چووال تایی کیمی قووزایب یئره قویاراق ساغ دیزینی دؤشونه باسدی. نفس قلئیچی مورتوضون سینده گیزله ننده، بیردن دان گؤزو دلی تور ن یان-یؤوره دوشدو... یئددی گئجه، یئددی گوندوز سونرا، قلئیچی مورتوض اویو موش اونلارلا ائوه قاییداندا، یولدا خالاسی اری کئفلی ایسکندر قاباغینا چیخدی: - اوغول! نیگرانچیلیقدان اؤلدوک، بیر هفته نی هارالاردایدین؟ قلئیچی مورتوض باشینی آشاغی سالدی: - هئچ!.. گؤتو قیللی الینه دوشموشدوم!!!



دونیانین بوینو یوغونو کیمدیر؟

درخواست حذف اطلاعات

دونیانین بوینو یوغونو کیمدیر؟ دوکتور جئری محلّه ده قوچو نیظامی هامی تانیر. قاباقجالار بورنونو توتسایدین نفسی ترس یئردن چیخاردی، آنجاق بادی بیلدینگ کلوپونا گئدیب قوللاری، بدنی شیشینجه، یئل باشینا داشلانیب کوچه-بازاردا، خالقا اؤجشمگه باشلاییب. گئچن هفته، بازار آغزیندا اونا یان باخان بیر کیشینی سیلله-تپیگین ینا آتیب دؤیونجه، آیاغی ایلک کز اولاراق زیندانا آچیلدی... قوچو نیظام قولتوقلاریندا ایکی قا یز گؤتورموشجه زیندانا آیاق باساندا، باشینا ییغیشان زیندانیلارین اوزونه آغیر-آغیر باخاراق قیشقیردی: - بورانین بوینو یوغونو کیمدیر؟! کیمسه دن سس چیخمادی. داها اوجا سسله قیشقیردی: - سوروشدوم، بورانین بوینو یوغونو کیمدیر؟! بیردن زیندانیلارین باخیشی قوچو نیظامین آرخاسینا آخدی. قوچو نیظام گئری دؤندو. ایکی مئتر یاریم اوجالیغیندا دئو بیر کیشی قاباغیندا دایانمیشدی. قوچو نیظامین بویو، اونون گؤبگیندن ایدی. اودوقوناراق آشاغیدان اونون بوی-بوخونونا باخدی. سینده اللی دن چوخ پیچاق ایزی وار ایدی. دئو کیشی أیری-أیری قوچو نیظاما سای سالدی: - بورانین بوینو یوغونو منم، نه ایشین وار؟! قوچو نیظام قوللارینی یانینا سالاراق گولومسه دی: - ایسته دیم دئیم، سیزدن سونرا، بورانین بوینو یوغونو منم!



قوربان اتی

درخواست حذف اطلاعات

قوربان اتی دوکتور جئری دونن قوربانلیق آلماق اوچون حاجی نادعلی نین حاصارینا گئتمیشدیک. ماللاری بیر-بیر گؤزدن گئچیردیکدن سونرا بیر جؤنگه سئچیب قیمتینی سوروشدوق. حاجی نادعلی شاپالاق ایله جؤنگه نین یانینا تاپدایاراق دئدی: - ماشاالله ماللارین لاپ گؤزونو سئچدیز؛ آللاه قبول ائله سین!.. - حاجی! هله قیمتی نئچه دیر؟- دئیه سوروشدوق. - ق لی یوخدور، قوربانلیقدیر، ائله-بئله آپارین! - ساغ اولون، آللاه بول ائله سین... - اون ایکی میلیون! - اون ایکی میلیون؟!! بیربیریمیزین اوزونه باخدیق. بیزیم، زور-گوج ایله توپلادیغیمیز پول ایکی میلیون دؤرد یوز مین تومن ایدی. بیلدیر، بو پولا یاخشی بیر جؤنگه آلیب، اتینی اوتوز-قیرخ ائوه پایلامیشدیق. - حاجی موناسیب بیر مالیز یوخدور؟! حاجی نادعلی په یه نین دیبینه گئدیب بالاجا بیر دانانین کوره گینه دادلی بیر شاپالاق چکدی: - بونو آپارین.. ی میلیون تومن! قونشولاریمدان بیر سس چیخمادی، یئنه من دئدیم: - یوخ حاجی! گوجوموز چاتماز، بوندان دا اوجوزو یوخدور؟! - سیز نئچه لیگین ایسته ییرسیز؟ - حاجی! بیزیم وار-یوخ ایکی میلیون دؤرد یوز مین تومن پولوموز وار. باخ گؤر، بو پولا یاخشی بیر مال وئره بیلرسن اتی اوتوز- قیرخ ائوی گؤرسون! حاجی نادعلی قاققاناق چکیب گولدو: - رحمتلیگن اوغلو، سیز بو پولا بیر بیزوو دا آلا بیلمزسیز!! کور-پئشمان په یه دن ائشیگه چیخدیق. قونشولاریم حاصاردان چیخماغا تله سیردیلر. اوزومو حاجی نادعلی یه توتوب دئدیم: - ائله بیل، بیزلر ایلده بیر یول ات یئمگه ده تامارزی قالاجاغیق! بو سؤزومدن حاجی نادعلی اوزلموش کیمی اولدو. بیردن الیمدن یاپیشب منی حیطین دیبینده اولان کیچیک بیر په یه یه چکدی. قاپینی آچدی. ایچری ده یئکه بیر اینک گووشه ییردی. - پولوزا بونو آپارین! اؤز-اؤزومه،" ائله بیل دونیادا، اؤزگه لره اور ان اینسانلاردا تاپیلیر!" دئیه دوشونه رک سوروشدوم: - حاجی بو نئچه کیلو ات وئرر؟ - آز وئرسه یئتمیش-یئتمیش بئش کیلو ات وئره جک! - بو کی چوخ یاخشی دیر!.. ائله اوتوز، اوتوز بئش ائوی گؤره ر! سئوینجک دالدان قونشولاریمی سسله دیم. قاییتدیلار. اینگی چوخ بگندیلر. "حاجی آللاه سیزدن راضی اولسون. قاپی-قونشو قوربان بایرامی، اینگین اتیندن یئینده سیزی ده دوعا ائده جکلر" دئیه پوللاری ساییب وئردیک. حاصادان چیخاندا، حاجی نادعلی یه دؤندوم: - حاجی! بیز قوربان گونو سحر ساعات یئددی ده گلیب اینگی آپاراجاغیق. حاجی نادعلی بیرآز دیل-دوداغین چئینه دی: - یاخشیسی بودور سیز قوربان بایرامینا ایکی گون قالان اینگی آپاریب یب، پایلایاسیز!! یردیق: - اینگی قوربان بایرامینا ایکی گون قالان کَسَک؟! حاجی باشی ایله سؤزلریمیزی دوغرولادی: - مگر سیز ایسته میرسیز، قوربان بایرامی گونو قاپی-قونشوز کوفته دن، ات شورباسیندان یئسینلر؟! هامیمیز بیر آغیزدان، "هه..نئجه مگر؟!!" دئدیک. حاجی نادعلی یاواشدان فیسیلدادی: - آخی بو اینک بیرآز قوجادیر، اتی ایکی گونه آنجاق پیشَر!



مسئوللار اولماسایدی...

درخواست حذف اطلاعات

مسئوللار اولماسایدی... دوکتور جئری قیرخ گونه یاخین ایدی خویلو خانیم، قلئیچی مورتوضو تحریمات ائله ییب اوزونه باخمیردی. قلئیچی مورتوض اؤنجه لری، اؤزونو بیر شئی اولمامیش کیمی گؤسترمگه چالیشسادا، گونو-گوندن آرتان ایچ فیشارین سونوجوندا، خالاسی اری- کئفلی ایسکندری آراچیلیق ائله مگه قوناق چاغیردی. کئفلی ایسکندر ار-آروادی اوز-اوزه اوتورتدوروب درد-چورلاریندان سوروشاندا، خویلو خانیم چادیراسی نین اوجونو دییشینده توتاراق اؤفکه لی-اؤفکه لی دئدی: - ایسکندر قارداش! ائوه جلیک وئرمیر. دئینده بونو آل- اونو آل؛ بو قولاغیندان آلیب او بیری قولاغیندان اؤتورور... کئفلی ایسکندر أیری-أیری قلئیچی مورتوضون اوزونه باخدی: - دوغرو دئییر؟! قلئیچی مورتوض باشینی آشاغی سالدی: - گلیریم آزدیر خالا اری.. من نئجه ائله ییم؟!! کئفلی ایسکندر یاواشجا سوروشدو: - گلیرین نئچه دیر؟ - یارانه لی-مارانه لی بیر میلیون تومن. - بیرررر میلیون تومنننن!.. سن بو پوللا ائوی گئچیندیره بیلمیرسن؟!!! - .... - حتما مدیریت ائله مه باجارمیرسان! - مدیریت ائله مه؟!! - هه مدیریت ائله مه! سن گره ک بیله سن آیدا بیر میلیونو نئجه جله یه سن. - بئله ایسه، منیم یئریمه مدیریت ائله گؤره ک بو پولو نئجه جله یک گؤرسون؟! کئفلی ایسکندر جیبیندن کیچیک بیر چؤرتکه چیخاردیب شاققاشاقلا حئسابلاماغا باشلادی. آرا-سیرا قلئیچی مورتوضدان سورغو دا سوروشوردو. - اوغلوم مورتوض آیدا نئچه ائو کرایه سی وئریرسن؟ - اوچ یوز مین تومن. - باخ اوغلوم! سن گره ک گونده اون مین تومن ائو کرایه سی اوچون قیراغا قویاسان. - یاخشی! - دؤرد باش عاییله سیز. هر بیریز گونده اوچ دنه سنگک چؤره گی یئسز، ائله یر اون ایکی سنگک. آیری دئییشله، سن گره ک گونده اون ایکی مین تومن چؤر ه ک اوچون قیراغا قویاسان. طبیعی دیر سنگگی یاوان یئمک اولماز، پنیر لازیم دیر. پگاه پنیرلری نین قوطوسو بئش مین تومن دیر، یعنی سن گره ک گونده بئش مین تومن، پنیر اوچون قیراغا قویاسان. قند-چای اوچون ده، گونده ایکی مین تومن قیراغا قویسان گؤره ر. قالدی؛ برق، گاز، سو و تئلئفون پولو. گونده اوچ مین تومن ده بونلارا قیراغا قویمالیسان. بونلارین هامیسینی توپلاسان نئچه ائلر؟! قلئیچی مورتوض بارماغیندا حئسابلاماغا باشلایینجا کئفلی ایسکندر اؤزو جاواب وئردی: - ائله یر اوتوز ایکی مین تومن. آیدا ائله یر دوققوز یوز میش مین تومن. قلئیچی مورتوض باشی ایله کئفلی ایسکندرین سؤزلرینی دوغرولادی. - قالار بورادا سنین قیرخ مین تومنین. اودا یئتیشر ائوین خانیمینا. هر نه اولسا خانیملارین اؤزلرینه مخصوص جلری وار! سؤز بورایا چاتاندا، خویلو خانیم گولومسه ییب چادیرا نین اوجو آغزیندان دوشدو. آخشام باشی قلئیچی مورتوض کئفلی ایسکندرین الینی برک-برک سیخیب یولا سالاندا دئدی: - خالا اری آللاه سندن راضی اولسون! سن اولماسایدین من نئجه ائله یه جکدیم؟!



آفتافا اوغروسو

درخواست حذف اطلاعات

آفتافا اوغروسو دوکتور جئری ائشیدیگیمیزه گؤره، قلئیچی مورتوضو آٰفتافا اوغورولوغو اوچون یاخالامیشدیلار. اوستاد دفتری اوزگون-اوزگون دئدی: - آسماسالار، ییرمی- اوتوز ایل تورمه ده یاتاجاق! دیللندیم: - میلیاردی ایختیلاس ائله مه ییب کی، آسالار، ه لر، تورمه یه باسالار.. اوستاد دفتری باشینی توولایا-توولایا دیزینه تاپدادی: - کئشگه میلیارد-میلیارد ایختیلاس ائله یردی، کئشگه بانک چاپاردی! بو دانیشیقلاردا ایدیک، قلئیچی مورتوض هارادانسا تاپیلیب گلدی. یردیق: - سنی بوراخدیلار؟!!-دئیه ایکیمیز بیردن سسلندیک. قلئیچی مورتوض گولومسوندو: - بو گون سوچسوزلوغومو آنلاییب سالام-صلوات ایله منی آزاد ائله دیلر! اوستاد دفتری تومدو: - سن مگر آفتافا اوغول یشدین؟! قلئیچی مورتوض باشی ایله "هه" دئدی. - اولا بیلمز؛ بو قانونلارین تر دیر! آفتافا اوغروسونو بو تئزلیکده بوراخمازلار! قلئیچی مورتوض قاققاناق چکیب گولدو: - بابا! اوغورلادیغیم آفتافا او آفتافالاردان دئییل!.. من خزانه دن کوروش(xl)-ین قیزیل آفتافاسینی اوغورلامیشدیم!



خوش خبر، پیس خبر

درخواست حذف اطلاعات

خوش خبر، پیس خبر دوکتور جئری نوه ائوه قاییدینجا، دوغرو بؤیوک باباسی نین اوتاغینا گئتدی. - بؤیوک بابا! ایکی خبریم وار؛ بیری خوش، بیری پیس. قاباقجا هانسی دئییم؟! بؤیوک بابا گولومسوندو: - خوش خبری دئ گؤره ک! نوه جوشقول : - مارکئت ده جومهور باشقانینی گؤردوم! - یوخ بابا!.. خوش حالینا اولسون! هله، پیس خبرین ندیر؟! نوه باشینی آشاغی سالدی: - تاپشیرمیشدین "ایزی لایف" آلیم ها!!... سون بسته نی او آلدی.. ایزی لایف: قوجالار پوشکی



لبیک

درخواست حذف اطلاعات

لبیک دوکتور جئری روایت لرده بئله گلیب: قاصیدلر، حسین(ع)-ین "هَل مِن ناصِراً یَنصُرُنی؟" هارایینی، اؤرت باسدیر ماحالی نین شیخ آغاسینا چاتدیرینجا، او "لبیک" دئیه رک خالقی باشینا توپلادی: - صاباح تئزدن اؤکوز آرابالارینی قوشون یمیزین یاردیمینا قوشاجاغیق! گئجه شیخ آغانین آروادی سوروشدو: - یا شیخ! آت- دوه اولان یئرده سیز نییه ین یاردیمینا اؤکوز آرابالاری ایله گئتمک ایسته ییرسیز، قورخورام گئج یئتیشه سیز؟! شیخ آغا ساققالینی تومارلایاراق دئدی: - بیز گئج یئتیشینده، (ع) ساواشی قازانمیشسا، اونون یانیندا اوزوموز آغ اولاجاق، ع تقدیرده تکلیف بوینوموزدان گؤتورولموش اولاجاق! بنزه ر یازیلار: أنا کئفلی ایسکندر! محرم لیک خاطیره لری نئجه شاخسئی ووردوم؟ محرم لیک احوالاتی آغلاما!



گؤزلربمیز نییه قارالیر؟

درخواست حذف اطلاعات

گؤزلربمیز نییه قارالیر؟ دوکتور جئری یایین سون گونو، اوستاد دفتری مطبه گلدی. اؤپوش-گؤروشدن سونرا قارشیمدا اوتوروب سؤزه باشلادی: - دوکتور! کئفیم خوش دئییل، نئچه گوندور گؤزلریم قارالیر! ال چیراغینی گؤزلرینه سالدیم: - دئمک سنین ده گؤزلرین قارالماغا باشلاییب؟! اوچ دؤرد گون بوندان قاباق دوستلاردان بهبود ائلچی بگ،قودرت موعللیم، گرگرلی آراز ده گلمیشدیلر! تدیرگین اولدو: - اولمایا بو بیر سالقیندیر؟ دوا-درمانی وارمی؟!.. اوزونتو ایله باشیمی توولادیم: - دوا-درمانی بیزیم الیمیزده دئییل! اؤفکه لندی: - اولمایا بونودا تحریم ائله ییب؟! یئریمدن قالخیب اوتاقدا وار-گل ائده رک دئدیم: - یوخ..یوخ.. بو قونودا نین گوناهی یوخدور! بیرآز یوموشالدی: - هله گؤزلریمیزین قارالماسی نین عیللتی ندیر؟! دریندن بیر سولوق آلدیم: - عیللتی مدرسه دیر! یردی: - مدرسه؟!! آچیقلاماق ایسته دیگیمده بیردن گؤزلریم قارالدی، آز قالدی ییخیلام. قیشقیردیم: - اوستاد منی توت، گؤزلریم قارالدی! جلد قولتوغوما گیریب منی اوتوراجاغین اوستونده اوتورتدوردو. هاندان-گئجدن گؤزلریم اطرافی سئچدی: - اوستاد! قیرخ ایلدیر گؤزلریمیزی تیکمیشیک مدرسه لرده آنادیلیمیز اوخوتدورولوسون، بونجا ایلده گؤز قارالمازمی؟! ....



باهالیغین فایداسی

درخواست حذف اطلاعات

باهالیغین فایداسیدوکتور جئریخانیم موعللیم کیلاسدا صوبحانه نین فایدالاری حاققیندا اوشاقلارا دانیشیردی:- گول بالالاریم!.. صوبحانه یئمه میشدن مدرسه یه گلمه یین. بیر دورمک پنیر-چؤرک یئییب اوستوندن ده بیر ایستیکان چای ایچسه نیز، هم یاخشی درس اوخویا بیلرسینیز همی ده بدنیز ساغلام اولار...بالاجا یاشار آیاغا قالخدی:- خانیم موعللیم منیم بدنیم هامیدان بتر ساغلامدیر!خانیم موعللیم گولومسه دی:- حتماً همیشه مدرسه یه گلنده صوبحانه یئییرسن؟بالاجا یاشار باشی "هه" دئیه رک آرتیردی:- خانیم موعللیم! بیز سحره، ناهارا، شاما صوبحانه یئییریک!



تحریم یوخسا اؤلوم؟!

درخواست حذف اطلاعات

تحریم یوخسا اؤلوم؟! دوکتور جئری تحریملر باشلایاندان، ایقتیصادی دوروموموز آغیرلاشیب چتینلیکله باشیمیزی را بیلیردیک. بیر گون قلئیچی مورتوض منی بیر قیراغا چکه رک،" ایسته ییرسن اؤزونو بو فلاکتدن قورتاراسان؟" دئیه سوروشدو. سئوینجک،"چیخیش یولو اولسا، نییه ایسته میرم!"دئدیم. الینی چیگنیمه قویوب دوز گؤزلریمین ایچینه باخاراق، "گل اؤلکه دن قاچاق یوخسا قیتلیق گلسه، باشدا سنین کیمی، منیم کیمی السیز-آیاقسیزلار اؤله جکدیر" دئدی. اونون اؤنرگه قارشی چیخسامدا، آوروپادا چکه جگیمیز کئفلردن دانیشاندا قوللاریم یانیما دوشدو. او، سؤزلری نین آردیندا آرتیردی: "آدام قاچاقچیلاری ایله دانیشمیشام. اونلار بیزی بیر گمی نین آمباریندا گیزله دیب آوروپایا آپاراجاقلار". اوچ گون سونرا، قاش قارالاندا لیماندا قلئیچی مورتوضون یولونو گؤزله ییردیم. هاندان-گئجدن تاپلیب گلدی. یانیندا دده لیگی شیخ آغانی دا گتیرمیشدی! یاواشجا قولاغینا پیچیلدادیم:" بونو نمنه یه گتیرمیسن؟". آجیقلی-آجیقلی، "من دده لیک سیز بیر یئره گئتمه رم!"دئدی. بیر ساعاتدان قاچاقچیلار دا گلیب چیخدیلار. بیزی قاییقلا بیر قوجامان گمی یه گؤتور ر. یئددی-سککیز گون امن-آمانلیق ایچینده یولچولوغوموز سوردو آنجاق بیر گون بیردن-بیره گمی چالخالانماغا باشلادی. یوخاریدان چیغیر-باغیر سسلری ائشیدیلیردی. سانکی فیرتانا اولموشدو. گمی بیرده چالخالاناندا، آراسیندا گیزلندیگیمیز یوکلر اوزه ریمیزه چؤکدو. گؤزلریمیزی آچدیغیمیزدا اؤزوموزو بیر آدادا گؤردوک. ساحیلین قوملاری اوستونه سره لنمیش دورومدایدیق. آیاغا قالخدیق. یان-یؤره ده بیزدن باشقا کیمسه گؤرونموردو. شیخ آغا اللرینی گؤیه قووزاییب،"آللاه بیزه رحم ائله ییب. ائله بیل تکجه بیز قورتولموشوق."دئدی. قلئیچی مورتوض بارماغی ایله اوزاغی گؤسته ره رک،"اورادا بیر مئشه لیک وار. گئدک اورایا. بلکه بیزه یاردیمجی اولان بیری تاپیلا."دئدی. آرغین-یورغون، آج-سوسوز اؤزوموزو مئشه لیگه چاتدیردیق. مئشه ده کیمسه یوخ ایدی. تکجه قورد-قوش سسی ائشیدیلیردی. ایسته دیم دئییم،"ائله بیل آدا بوشدور" دئیه بیلمه دیم. آغاجلارین باشیندان سککیز-دوققوز لوت کیشی باشیمیزا تؤکولوشوب جیدالارینی اورک-بؤیره گیمیزه دایادیلار. آدا، وحشی آداملارین آداسی ایدی. وحشیلر هلهله ایله بیزی قبیله بؤیوگونون یانینا آپاردیلار. باشچی، هئیوه ره بیر کیشی ایدی. بئلینه باغلادیغی اوت-علفدن باشقا اگنینده بیر گئییم یوخ ایدی. بیزی باشدان آیاغا سوزه-سوزه دئدی: - گؤرونور اویغار بیر اینسانلارسیز! سیز بیلمیرسیز اؤزگه لرین تو اغینی باسماق اولماز. من الیمی دؤشومه باسیب سالام وئره رک دئدیم: - دوغرو بویورورسوز قوربان. بیزیم ایکی مین بئش یوز ایللیک اویغارلیغیمیز وار. بیز چوخ فرهنگلی بیر اینسانلاریق آنجاق بیز سیزین تو اقلاریزی باسماق ایسته مه میشک. تکجه گمیمیز باتیب دا ایسته مه دن بورایا دوشموشوک. سیزدن ریجا ائدیریک بیزه یاردیم ائده سیز بو آدادان گئدک. قبیله باشچیسی قاققاناق چکیب گولدو: - بیزیم آدایا ایذین سیز آیاق باسان موطلق جزال ریلمالی دیر. آنجاق سیز اویغار، قاناجاقلی بیر اینسانلار اولدوغوز اوچون جزانی سئچمکده آزادسیز. یالوار- یاخارا باشلادیم: - قوربان باشقا بیر یولو یوخدور؟! قبیله باشچیسی اؤفکه لندی: - یوخ!.. چاره سیز قالاراق دئدیم: - قوربان! هله جزالاریز نمنه دیر؟ قبیله باشچیسی گولومسوندو: - تحریم و اؤلوم. هانسینی ایسته ییرسیز سئچین. قلئیچی مورتوض اورتایا آتیلدی: - من تحریمی سئچیرم. بیز تحریمه اؤیرشمیشیک. قبیله باشچیسی ایکی بوینو یوغون کیشی یه ایشمار ائله دی. کیشلر قلئیچی مورتوضون قوللاریندان یاپیشیب مئیدانین اورتاسینا آپاردیلار. یوزلر وحشی آدام میدانین چئوره ییغیشیب باخیردیلار. کیشیلرین بیری وحشیلیکله ال آتیب قلئیچی نین شالوارینی آیاغیندان چیخارتدی. اوبیریسی ایسه.. شیخ آغا دؤزه بیلمه دی: - سیزکی بونون باشینا پیس ایش گتیریرسیز؟!- دئیه قیشقیردی. قبیله باشچیسی گولدو: - بیز بونا تحریم ائله مک دئییریک، سیز نه دئییرسیز؟! بو دانیشقلاردا ایدی. قلئیچی گلیب یانیمیزدا دای . پؤرتموشدو. قبیله باشچیسی اوزونو منه توتدو. - سن هانسینی سئچیرسن؟ تکلیفیمی بیلمک اوچون شیخ آغایا باخدیم. گؤزونو آغارتدی. بیرآز دوشوندوکدن سونرا دئدیم: - اؤلمه یه جگم کی!..منی ده تحریم ائله یین! بیرآزدان منده پؤرتولموش حالدا گلیب قلئیچی مورتوضون یانیندا دای م. سیرا شیخ آغایا یئتیشمیشدی. قبیله باشچیسی یئنه سوروشدو: - سیز هانسینی سئچیرسیز؟! شیخ آغا دؤشونو قاباغا وئره رک قیشقیردی: - من شرفلی اؤلومو، بو رذ ه، آلچاقلیغا ترجیح وئریرم. اؤلدورون منی... قلئیچی مورتوض، "شیخ آغا!.."دئیه باغیراراق هؤنکور-هؤنکور آغلاماغا باشلادی. گؤزلریم آجیشدی. اوتانجیمدان باشیمی آشاغی سالدیم. قبیله نین باشچیسی بو کز دؤرد-بئش دئو کیشی یه گؤز ائله یه رک بویروق وئردی: - شیخ آغانی اؤلونجه یه قدر تحریم ائله یین.



آفتافا

درخواست حذف اطلاعات

آفتافا دوکتور جئری دئییرلر: قدیم أیامدا، اؤرت باسدیر ماحالی نین باش کندی، ترس آوادا قلئیچی مورتوضون آفتافا ساتان دوکانی وار ایمیش. قلئیچی مورتوضون چیلخا میسدن تؤکولموش آفتافالاری، اوروس دان گتیریلدیگی اوچون نیقالای آفتافاسی آدی ایله خالق آراسیندا اون (شؤهرت) قازانمیشدی. نیقالای آفتافالاری نین باهالی اولدوغوندان تکجه اؤرت باسدیر ماحالی نین باشچیلاری بو آفتافادان فایدالانیب قارا خالق لولئهین ایشله دردی. داناباش کندی نین گؤرکملی تاریخچیسی اوستاد دفتری نین آراشدیردیقلارینا گؤره، ائله او دؤنمدن آفتافا اؤلکه دارلیق سیمگه چئوریلیب دیر. پلاستیک صنعتی اورتایا چیخدیقدا نیقالای آفتافالاری سیردان چیخیب یئرینی پلاستیک آفتافالار وئردی. ایندی نیقالای آفتافالارینی یالنیز عتیقچی لرده گؤرمک اولار. دئییرلر: بیر گون قلئیچی مورتوض سحر تئزدن دوکانینی آچیب موشتری یولو گؤزله ییرکن، دده لیگی شیخ آغا الینده آفتافا [ایندی بو آفتافا پاریسین لوور موزه سینده ساخلانیلیر] ایچری گیریر: - اوغلوم مورتوض ! منه وئردیگین بو آفتافا دلیکدیر ده سو ساخل !.. آیاق یولونا گئدیب ایشیمی گؤرندن سونرا گؤرورم سویو گئدیب طهارت آلا بیلمیرم. موم اولسا بونو دگیشدیره سن. قئلیچی مورتوض سوفته سی کور اولماسین دئیه آفتافانی دگیشدیرمک ایسته میر. بیرآز دوشونوب دئییر: - دده! اولماسا سیز اوّل آفتافا گؤتورون سونرا ایشیزی گؤرون! دئییرلر: بو سؤز شیخ آغانین عاغلینا باتیر. آفتافانی قولتوغونا ووروب دوکاندان چیخیر.



سیزه امنیت لازیم دئییل می؟!

درخواست حذف اطلاعات

سیزه امنیت لازیم دئییل می؟! دوکتور جئری دونن کئفلی ایسکندردن ائشیتدیم، قلئیچی مورتوضو آروادی ائودن ائشیگه اؤتوروب. سالیغینی توتدوقدا آنلادیم گئدیب حاجی نیظامین کؤهنه ح ی نین تولانبارخاناسیندا قالیر. تلم-تلَسیک اؤزمو اورایا یئتیردیم. جیریلتی ایله قاپینی آچیب ایچری گیردیم. مورتوض ال-قولتوق دیوارین دیبینده اوتورموشدو. اوست-باشی قاپ قارا ایدی. منی گؤرجک آیاغا قالخدی. - مورتوض بگ بورادا نه قاییریرسان؟- دئیه سوروشدوم. وخس ؛ دینمه دی. قوجاغیمی آچیب اؤپوشمک ایسته دیگیمده باشینی چیگنیمه قویوب هؤنکور- هؤنکور آغلادی: - خویلو خانیم منی ائودن ائشیگه اؤتوروب! - نه اولوب اولمایا گئنه بیله سی ایله دالاشمیشسان؟! باشینی توولادی: - یوو.. گئچن هفته آخشام ائوه دؤننده، خویلو خانیم دئدی: "پول وئر گئدیم چؤرک آلیم." دئدیم:" پولوم یوخدور، هله ایش تاپمامیشام." خویلو خانیم دا حیرصله نیب سسینی آتدی باشینا:- "دئینده پول وئر چای-چؤرک آلیم، دئییرسن پولوم یوخدور هله ایش تاپمامیشام. دئیینده گازی، برقی، یبلر پول وئر قبضیلری وئریم، دئییرسن پولوم یوخدور هله ایش تاپمامیشام، دئیینده پول وئر اوشاقلارا پار-پ ار آلیم دئییرسن پولوم یوخدور هله ایش تاپمامیشام، دئینده اوشاق مریض دیر پول وئر دوکتورا آپاریم دئییرسن پولوم یوخدور هله ایش تاپمامیشام. دئیینده، بؤیوک اوغلان نئچه واختدیر آخشاملاری گئج ائوه دؤنور، بورنونون سویونو ساخلایا بیلمیر، سایمیرسان. دئیینده، قیزیمیز مشقه دوشوب یولداشلاری ایله گئتسین خلیج همیشگی فارسین قیراغینداکی اؤلکه لرده ادامه یی تحصیل وئرسین، چگینلرینی سیلکه له ییرسن..." سونرا اللرینی بئلینه ووراراق قیشقیردی: "دئیه بیلرسن سن بو ائوده نه یه گره ن؟!". خویلو خانیمی بیرآز یوشوتماق ایسته دیم: "بیلیرسن آرواد! من اولماسام قونشوموز دونبا گؤز عوض گئجه دیواردان آشیب ونا توخانار! یا اونون مؤهتاد اوغلو گلیب باشیزی یب مال-دؤولتیمیزی آپارار!." مورتوضون سؤزلرینی دیم: - خانیمین نه دئدی؟ - هئچ نه دئمه دی. سوپورگه نی گؤتورب منی ائوده ائشیگه اؤتوردو. اوزونتو ایله دئدیم: - ایندی نئجه اولاجاق؟! - دئییرم، ایجازه وئرسن گلیب بیر نئچه گون سیزده قالیم گؤرک سونرا نه اولور! - یوخ!.. یوخ!.. اولماز قارداش. بیلرسن آرواد منی ده ائوه بوراخمیر. قاپینی تپکله مه ینجه اوزومه آچمیر! یردی: - یانی قاپینی تپیکله ینده قورخوب اوزونه آچیر؟!! آجی - آجی گولومسه دیم: - یوخ بابا!.. آرواد قولتوغوم ودور دئیه قاپینی اوزومه آچاندا تئز ایچری یه سوخولورام!



رضاشاه -ین اؤلوسو نییه گولدو؟!

درخواست حذف اطلاعات

رضاشاه -ین اؤلوسو نییه گولدو؟! دوکتور جئری شاه عبدالعظیم حرمی نین یاخینلیغینداکی خارابالیقدان مومیالانمیش بیر اؤلونون تاپیلماسی نین آردینجا، بیر قروپ اوزمان اولای یئرینه یئتیشَرک مومیایی نین رضاشاه-ا عایید اولوب-اولمادیغینی آراشدیرماغا باشلادیلار. ژئنئتیک بیلیملری نین پروفئسورو دئدی: - بیز مومیایی نی اینگلیستانا گؤندرملی ییک، هر نه اولسا اونلار رضاشاهین گؤزه-گؤزه آرتیقراق تانیش اولدوقلاریندان بیزدن یاخشی جمدگین کیملیگینی آیدینلادا بیلرلر. اسکی بیلیملری نین دوکتورو دیللندی: - بو اولان ایش دئییل! بیزیم اؤز بیلگینلریمیز بو قونونو آراشدیرمالی دیرلار! بو سؤزلرین آردینجا، اوزمانلار ایکی یه بؤلونوب کیمی دوکتورون، کیمی ایسه پروفئسورون فیکرینی ساووناراق دارتیشماغا باشلایاندا اوستاد دفتری آرالیغا گئچدی: - آغالار.. بیر دقیقه... بیر دقیقه... هامی سوسدو. - آغالار ایجازه وئرسه نیز من بیر دفیقه نین ایچینده مومیایی نین رضاشاها عایید اولوب-اولمادیغینی آیدینلادیم. اوزمانلار قین- قیق اوستاد دفتری یه پول آچدیلار. اوستاد مومیایی نین باشینا گئچدیکدن سونرا اگیلیب قولاغینا نسه پیچیلدادی. بیردن مومیایی قاققاناق چکیب گولمه یه باشلادی. هره قورخودان بیر یانا قاچاندا، اوستاد دفتری دیکلَنیب گولومسوندو: - قورخمایین.. گلین.. گلین!..جمدک رضاشاهینکی دیر!! اوستاد دفتری نین گولومسه مه سیندن اورکله نن اوزمانلار توپلاشدیلار: - سیز رضاشاهین مومیایی سی نین قولاغینا نمنه دئدینیز گولدو؟!! - من دئدیم: قوردوغون شئونیستی حوکومتین دئویلمه سیندن قیرخ ایل سونرا، دؤولت باشچیلاری، بیز تورکلره سؤز وئریبلر یاخین گله جکده مدرسه لرده آنادیلیمیزده درس اوخویاجاغیق. آچیقلاما: اوُزمان: متخصیص اولای: حادیثه گؤزه: سلول، حوجره بیلیم: علم بیلگین: عالیم قونو: مؤوضوع ساوونماق: م یعه ائتمک دارتیشماق: موباحیثه ائتمک



ین نتیجه سی نه اولدو؟

درخواست حذف اطلاعات

ین نتیجه سی نه اولدو؟ دوکتور جئری دونن ائل باغیندا گزرکن اوستاد دفتری یه توش گلدیم. بیرآز نیگران اولدوم. اوستاد اؤز- اؤزونه گولوردو! ال سیخیشیب یانیندا اوتوردوقدان سونرا سوروشدوم: - اوستاد! کئفین دورودور ها بتر گولورسن؟! مندیل ایله گؤزلری نین یاشینی سیله-سیله دئدی: - " ین نتیجه سی نه اولدو؟"دئیه دوشونوردوم بیردن گئچمیشده اوخودوغوم بیر حئکایه یادیما دوشدو ده گولمه گیم گلدی.. - نه حئکایه سی سؤیله بیزده گولک! اوستاد گولوشونو ییغیشدیریب سؤزه باشلادی: - حاجی توراب بتر میرتجیل بیر آدام ایدی؛ بتر ده وارلی ایدی. کندده تکجه اونون تراختورو وار ایدی. بیر گون قونشو زمیلیسی مش حسن اؤکوز ایله یئرلرینی سورنده، حاجی توراب یانینا گئدیب بیرآز میرت ائله مک ایسته دی: - آللاه قووت وئرسین مشدی!! - ساغ اول حاجی! سیزده یورولمایین! حاجی توراب بارماغی ایله زمیسینده کی تراختورو گؤسته ره رک دئدی: - مشدی! ایسته ییرسن او تراختور سنیکی اولا؟ - نییه ایسته میرم حاجی!.. آمما منیمکی پولوم یوخدور! حاجی توراب گولومسه دی: - پول لازیم دئییل مشدی!.. منیم بیر شرطیم وار، اگر اونو یئرینه یئتیرسن، تراختور سنیکی اولاجاق. مش حسن جوت ائله مکدن ال چکدی: - نه شرطی ؟! حاجی توراب، مش حسنین الیندن یاپیشیب یاخینداکی آرخین قیراغینا چکدی. کیسمه آرخین ایچینه پیسلیک ائله میشدی. حاجی توراب پوخو مش حسنه گؤستردی: - باخ مشدی! بو پوخو یئسن تراختور سنینکی اولاجاق! مش حسن قیپ-قیرمیزی اولدو: - حاجی ظارافات ائله ییرسیز؟!! حاجی توراب سرتجه دئدی: - دده مین گؤرو حاققی دوز دئیرم، شوخلوق ائله میرم! مش حسن بیر تراختورا، بیر پوخا باخدی: - آخی چوخ یئکه دیر!! - عیبی یوخدور سن یاریسینی یئسن ده گؤرر!! - من یئیندن سونرا، بلکه سیز سؤزوزون ینا ووروب تراختورو منه وئرمه دیز؟! - یوخ.. یوخ.. من بئله ایش گؤرمه رم، من سؤزومون اوستونده دوران آد ! - بئله ایسه گره ک بیر کاغیذ یازیب ایکیمیزده ینا بارماق باساق. پوخ یئدی کاغیذی یازیلیب ینا بارماقلار باسیلدی. مش حسن گؤزون یوموب پوخی یئینده حاجی توراب بؤیرو اوسته ییخیلیب گولوردو... مش حسن تراختورون اوستونه مینیب زمیسینی سورمگه باشلایاندا حاجی توراب گولمکدن یورولوب گؤردوگو ایشدن پئشمانلیق دویماغا باشلامیشدی. یاواش-یاواش مش حسنه یاخینلاشیب یوموشاقجا دئدی: - مشدی اولماز بارماق باسدیغیمیز کاغیذی هئچ ائله یک، من تراختورومو ایسته ییرم؟!! مش حسن ده پئشمان اولموشجاسینا فیسیلدادی: - نییه اولماز حاجی!.. آمما بیر شرطی وار! - نه شرطی؟! - پوخون یاریسینی دا سیز یئیه سیز!! ... آخشام اوستو حاجی توراب تراختورونو کنده ساری سوروردو.



آفساید

درخواست حذف اطلاعات

آفساید دوکتور جئری ایرانین آنلاشماسیندان ایسته دیگی سونوجلاری الده ائده بیلمه مه سی نین ندنلرینی آراشدیردیقدا، اؤلکه سیاستچیلری نین فوتبال اویونونون قایدا-قانونلاری ایله تانیش اولماماسی اورتایا چیخیر. سیاست، فوتبال یاریشی کیمی بیر اویوندور. ایران سیاستچیلری 5+1 دانیشقلارینا باشلایاندا اؤزلری بو قونویا ایشاره ائده رک وورغولامیشدیلار: بو اویون بیر-بیر (یاخود اوتدو- اوتدو) نتیجه سی ایله سونوجلاناجاقدیر. [فوتبالدا بونا تبانی دئیرلر، فیفانین بوندان خبری اولسا تاخیملاری آغیر جزالارا محکوم ائدیب دده لرینی ی رار!] آنجاق یاریش گونو، آنلاشیلان کیمی، 5+1 ایلک دقیقه ده ایلک گولو ووروب سانتیریفیوژلاری سیرادان چیخاردیب اتم رئاکتورونا سیمان باساندا، ایران ایسه 90-نجی دقیقه ده مساوی گولو ووروب میللت اورتالیغا تؤکولوشوب شنلیک ائله ینده، سیاستچیلر سئوینجلریندن بیر باخمادیلار، قیراق داور "ایرانین گولو آفسایددیر" دئیه بایراغینی گؤیه قالدیریب!



خبریز یوخدور!

درخواست حذف اطلاعات

خبریز یوخدور! دوکتور جئری قهوه چی تئیمور آغانین شاگیردی چایلاری شاققاشاقلا میزین اوستونه دوزنده ائشیگده شیدیرغی یاغیش یاغیردی. ماعاشلاردان دانیشیردیق؛ اوستاد دفتری دئییردی: - من یازیق ایکی میلیون آیلیقلا نه ائدیم؟! ائوی گئچیندیریم؟! قیسطلاریمی وئریم؟! قیزیما جئهیز آلیم؟! اوستاد فرهیخته اوزونتو ایله باشینی ت ه ده رک اوستاد دفتری نین سؤزلرینی دی: - رحمتلیگین اوغلو! من بئش میلیون آیلیقلا ائوین جینده قالمیشام. سن هله ایسته ییرسن ایکی میلیونلا، قیسطلارینی وئریب قیز دا اره وئره سن؟! پروفئسور نصرالدین صؤحبته قاریشدی: - منجه بو گون اون میلیون ماعاشلا بیر ائوی آنجاق ایداره ائتمک اولار. من دانیشماق ایسته ینده، تئیمور آغانین شاگیردی آیاق یالین صؤحبتین ایچینه قاچدی: - آغالار باغیشلایین ها!..من فیکر ائله ییرم سیز موؤضونو بیرآز شیشیردیرسیز! نئجه یعنی ایکی میلیونلا، بئش میلیونلا، اون میلیونلا ائو گئچیندیرمک اولماز؟ من تئیمور آغادان آلان دوققوز یوز مین تومنله دؤرد باش عاییله می گئچیندیریرم... اوستاد دفتری آجییا-آجییا اوزونو تئیمور آغانین شاگیردینه توتدو: - اوغلوم اصلان! سیز اؤلموشسوز، خبریز یوخدور!



خوروز

درخواست حذف اطلاعات

فولکلوریک ناغیل: خوروز دوکتور جئری بیری وار ایدی، بیری یوخ ایدی. بیر قاری ننه وار ایدی. قاری نین گؤزل-گؤیجک، اوجا بویلو، گور سسلی، قیرمیزی بیر خوروزو وار ایدی. خوروز دانلی-دانیندا بانلایاندا قاری نامازینی قیلیب قورو چؤره گینی سویا باتیریب یئیه رک تانرییا شوکور ائدردی. گونلرین بیر گونو، خوروز کولکوکده ائشه له ننده قیزیل بیر پول تاپدی. جلد پولو گؤتورب ائوه قاچدی. قاری قیزیل پولو گؤرجک سئوینجیندن اویناماغا باشلادی. خوروز دا دامین اوستونه چیخیب بانلادی: - ین پارا تاپمیشام قوققولوقو... ین پارا تاپمیشام قوققولوقو... شهرین گؤز-قولاقلاری خوروزو جاسولادیلار. چوخ چکمه دی، حاکیمین وریندن ایکی گزمه گلیب قیزیلی قاریدان آلدیلار. خوروز بونو گؤرونجه آغاجین بوداغینا چیخیب بانلادی: - وار-یوخوموز تال قوققولوقو.. وار-یوخوموز تال قوققولوقو... حاکیم دورومو بئله گؤرونجه، تئز قیزیل پولو قایتاردی. بو کز خوروز دیوارین اوستونه قوندو: - حاکیمی قورخوتموشوق قوققولوقو... حاکیمی قورخوتموشوق قوققولوقو... حاکیم ال-آیاغا دوشوب خوروزون آغزینی باغلاماق اوچون بیر توربا قیزیل قارییا گؤندردی آنجاق خوروز بانلاماقدان ال چکمه دی: - حاکیم بیزه روشوت وئریر قوققولوقو... حاکیم بیزه روشوت وئریر قوققولوقو... حاکیمین بویروغو ایله گزمه لر توکولوشوب خوروزو دوستاغا آپاردیلار. خوروز دوستاقخانین دامینا چیخیب بانلادی: - حاق دئیه نی توتورلار قوققولوقو... حاق دئیه نی توتورلار قوققولوقو... آردی لمه ین بانلاییشلاردان اؤفکه له نن حاکیم، علاجسیز قالاراق خوروزون بویوروغونو وئردی. خوروزو اؤلومه گؤتورنده یئنه بانلاییردی: - دوغرو دانیشانی آسیرلار قوققولوقو... دری سامان باسیرلار قوققولوقو... ایکی گون سونرا حاکیم بؤیوک بیر قوناقلیق وئردی. سوفره لر آچیلدی. قیزاردیلمیش خوروزو گتیریب حاکیم قاباغینا قوی ار. خوروز گؤزونون قیراغی ایله دؤرد یانا گؤز گزدیردی. شهرین تانینمیش قیرخ اوغروسونو سفره نین باشیندا اگلمیش گؤرورنجه بیردن پیلاو تپسیسی نین باشینا چیخیب بانلاماغا باشلادی: - اوغروباشی حاکیمه باخ قوققولوقو... اوغروباشی حاکیمه باخ قوققولوقو... حاکیم قیزغین-قیزغین ایکی الی ایله خوروزو قارمالاییب آغزینا باسدی. خوروز دیرنمک ایسته سه ده حاکیمین بوغازی چوخ گئن ایدی. خوروز گورولتو ایله حاکیمین قارنینا یووارل . خوروز اؤزونه گلینجه گؤردو: دوه چی نین اوغورلانمیش دوه سی، ناخیرچی نین ایتمیش اینگی، چوبانین قاچمیش قوچو هره سی بیر بوجاغا قیسیلیب. خوروز بانلایا-بانلایا دوه، اینک، قوچ ایله قول-قولا وئره رک یاللی گئتمه یه باشلادی: - حاکیم یئین حارامدیر قوققولوقو... حاکیم یئین حارامدیر قوققولوقو... حئیوانلار اوچ گون اوچ گئجه حاکیمین قارنیندا یاللی گئتدیلر. حاکیم نه قدر زور وئریردی خوروز قارنیندان چیخمیردی کی چیخمیردی! سونودا حاکیمی حکیم خانایا آپاردیلار. اوچ ساعات عملیاتدان سونرا خوروز حکیم خانانین دامینا چیخیب بانلاماغا باشلادی: - حاکیمین یانی جیریلدی قوققولوقو... منیم جانیم قورتولدو قوققولوقو...



گؤره سن شیخ آغا بو ایل نمنه بایراملیق وئره جک؟

درخواست حذف اطلاعات

گؤره سن شیخ آغا بو ایل نمنه بایراملیق وئره جک؟ دوکتور جئری بایرام گونو، شهرین تئرمینالیندا قلئیچی مورتوضا توش گلدیم. قاباغینا یئکه بیر زنبیل قویوب تا ی یولو گؤزله ییردی. زنبیلین ایچینده، بیر چالخام کره، بیر دببه بال، بیر قاپلاما قاتیق، بیر توربا بادام-جویز، بیر قوطو کؤینگی، بیر جوت ده جوراب وار ایدی. اؤپوش-گؤروشدن سونرا ال آتیب زنبیلی یئردن اوزه رک دئدیم: - ماشینی تئرمینالین ائشیگینده ساخلامیشام، دور گئدک! زنبیلی الیمدن دارتاراق دئدی: - دوکتور! بوگون دده لیگیمین بایرام گؤروشونه گئدیرم، اینشاالله صاباح- بیری گون سیزه ده گله جگم! گؤزومو زنبیلدن آییرمایاراق دئدیم: - بابا نه فرق ائدر بو گون گل گئدک بیزه، صاباح شیخ آغاگیله گئدرسن دااا!! "یوخ" دئیه باشینی گؤیه آتدی: - بیلیرسن دوکتور! من یئنی ایلین سوفته سینی دده لیگیم الیندن آلماسام اولماز، بونا گؤره ایلک اؤنجه اونون گؤروشنه گئمه لی یم! - حتمن شیخ آغانین بایراملیغی چوخ یاغلی دیر بو قدر گئتمه یه تله سیرسن؟ گولومسوندو: - گئچن ایللرده دده لیگم بایراملیق پول وئرردی آنجاق بیلدیر قولتوق جیبیندن کیچیک بیر قوطو چیخاردیب اوزرینه اوفله یه رک منه اوزاتدی. الینی اؤپوب قیزیل سیککه قوطوسو س غیم قوطونو آلاندا دده لیگیم آچیقلادی: اوغلوم مورتوض! الیمین دالی اولدوغونا گؤره، بو ایل پول یئرینه آللاهین دگرلی برکتینی سنه تؤحفه وئریرم. آپار ائوین دؤرد بوجاغینا سپ. آللاه باشیندان تؤکه جک. قلئیچی نین سؤزونو دیم: - نئجه اولدو آللاه باشیندان تؤکدو؟! باشی ایله اونایلادی: - هه!.. اورمو گؤلونون قورودوغوندان بیر ایلدیر یئردن-گؤیدن باشیمیزا برکت یاغیر! تا ی قارشیمیزدا دای . قلئیچی مورتوض ساغ اوللاشیب ماشینا میننده اؤز-اؤزومه دئدیم: - گؤره سنقلئیچی مورتوضا شیخ آغا بو ایل نمنه بایراملیق وئره جک ؟



یومورتالامایان تویوقلار

درخواست حذف اطلاعات

یومورتالامایان تویوقلار دوکتور جئری شیخ آغانین بؤیوک بیر تویوقلوغو (مرغداریسی) وار. تویوقلوغو، کیچیک قارداشی میرزه نیظام ایشله دیر. بایراما بئش- ی گون قالان شیخ آغا، میرزه نیظاما زنگ ووراراق اوندان ایسته دی ییرمی-اوتوز سبد یومورتا بیله گؤندرسین. آخی شیخ آغا بایرام گونو، گؤروشونه، ال اؤپمه گلنلرین هره مقامینا گؤره اوچ-دؤرد بویانمیش یومورتا بایراملیق وئرر. میرزه نیظام تیتره ک سسله دئدی: - آغا باغیشلایین تویوقلار نئچه آیدیر یومورتال لار!... شیخ آغا آجیقل : - نئجه یانی یومورتال لار؟!..به یم اونلارا دن-سو وئرمیرسن؟! - نییه وئرمیرم آغا؟! لاپدا یاخشیسیندان وئریرم، یئیرلر-ایچیرلر یومورتال لار.تک-توک یومورتالایانلار وارسا دا اوبیری تویوقلار اونلارین یومورتالارینی سیندیریب ایچیرلر. شیخ آغا جین آتینا میندی: - بیر یانا گئتمه، گلیرم اورایا... یاریم ساعات سونرا شیخ آغا وطن مالی - پراید ماشینی ایله اؤزونو تویوقلوغا یئتیردی. تویوقلار شیخ آغانی هئچ سایمادیلار. کیمی ییئیر، کیمی ایچیر،کیمی یاتیر، کیمی یانینداکی ایله قیدلاشیردی. بو داها بتر شیخ آغانی دلی ائله دی، میرزه نیظامین اوستونه قیشقیردی: - گئت پیچاغی گتیر! میرزه پیچاغی شیخ آغانین الینه وئرنده او دئیینیردی: - ایشله میر، ایشله میر، مدیر ایشله میر، ایشچی ایشله میر... بیر قالمیشدی تویوقلار، اونلاردا تنبل لیگه اؤیرشدیلر، دئییرم نییه یومورتانین بیری اولوب مین تومن!! تویوقلار پیچاغین آدینی ائشیتجک قولاقلارینی قاباردیب گؤزلرینی بره لتدیلر. بیردن شیخ آغا تویوقلارین اوستونه یومولدو. تویوقلار قورخودان پیریلداشیب قاچدیلار. شیخ آغا یئنه یومولدو، تویوقلار یئنه قاچدیلار. اوچونجو کز یومولاندا میرزه نیظام اتگلیندن یاپیشدی: - آغا نئیله ییرسن؟!.. شیخ آغا کؤپورموشدو: - یومورتالامایان تویوغون گره ک باشینی ه سن! میرزه نیظام ال-آیاغینا دوشدو: - آغا!..سیز باغیشلایین اینشاالله بوندان بئله تنبل لیگی یئره قویوب یومورتالارلار..سیز بونلاری منه باغیشلایین. شیخ آغا بیرآز یوشودو: - میرزه خاطیرین عزیزدیر! بو کز بونلارین گوناهیندان گئچدیم، صاباح یئنه گله جگم. هانسیسی ایکی ساریلی یومورتا یومورتالاماسا باشینی یب چؤلمگه قویاجاغام! * ائرته سی گونو شیخ آغا تویوقلوقدا ایدی. یومورتالیقلار یومورتا ایله و ایدی. اؤزو ده ایکی ساریلی یومورتالارلا!.. شیخ آغا گولومسه یه رک یومورتالاری گؤزدن گئچیرنده بیردن یومورتالارین آراسیندا گؤزو بیر بالاجا یومورتایا ایلیشدی. یومورتا، سانکی سئرچه یومورتاسی ایدی! شیخ آغا یومورتانی ایکی بارماغی ایله گؤتوروب تویوقلارا گؤسته ره رک باغیردی: - بونو کیم یومورتالاییب؟! تویوقلاردان سس چیخمادی. شیخ آغا داها بتر باغیردی: - دئدیم بونو کیم یومورتالاییب؟! کیمسه دن سس چیخمادی. دوروم چوخ گرگین ایدی. شیخ آغانین گؤزلری قیزارمیشدی. ه -ه ایدی قان تؤکولسون. هاندان-گئجدن تویوقلارین آراسیندان بیری سسلندی: - آغا!..اونو من یومورتلامیشام! باشلار سسه ساری چؤندو. خوروز ایدی!



جنته گئتمک ایسته میرم!

درخواست حذف اطلاعات

جنته گئتمک ایسته میرم! دوکتور جئری قیامت گونو ایدی. میزان-تره زی قورولوب اینسانلارین عمل لری دارتیلماقدا ایدی. سیرا قلئیچی مورتوضا گلدی. حساب-کیتاب ملگی قالین بیر دفتری قاباغینا آچیب اوخوماغا باشلادی. هردن دان- دان قلئیچی یه باخیب باشینی اوزونتو ایله توولاییردی. ملگین داورانیشیندان قلئیچی نین آیاقلاری تیتره مگه دوشدو. ملک آغزینی آچیب سورغو-سوالا باشلاماق ایسته ینده اوزون بوی، یاراشیقلی بیر فریشته گلیب قولاغینا نسه پیچیلدادی. ملک قاباغینداکی دفتری قاپاتاراق،"سیز جنته گئده جک سینیز"دئیه حوکم دی. قلئیچی اؤنجه بو خبردن سئویندیسه سونرا قورخماغا باشلادی. اولمایا بو ایشین ایچینده بیر ایش وار؟! ندن دونیادا ایشله دیگی گوناهلاردان یانا هئچ سورغولانمادی؟! آنسیزین گوناهلاری سینما سی کیمی گؤزونون اؤنوندن گئچمه یه باشلادی. دیوارین چاتیندان قونشونون آروادینا باخماسی، جومعه آخشاملاری خالاسی اری کئفلی ایسکندرله کالاوادا چاخیر ایچمه سی، محرملیکده، خالقدان ییغدیغی پوللاری سیم-سانجاق باشیندا کول ائتمه سی، دستمازسیز جاماعاتلا ناماز قیلماسی، گؤزدن ایراق، آیاق اوسته ایشه مه سی، تیریکلری ایمازادادا گیزلتمه سی، مچیدین خالچاسینی بیر پیک نیک گاز ایله دگیشمه سی، ائرمنی سرکیسله بیر کره دونقوز اتی یئمه سی، گئجه لری را ونا قولاق آسماسی، دده لیگی شیخ آغانین جیبیندن پول اوغورلاماسی... دده لیگی یادینا دوشنده بیردن بیر شئی بئینینده قیغیلجیم ووردو. دده لیگی شیخ آغا سوباشینا گئدنده او تئز آفتافانی ایلیق سو ایله دوراراق آپاریب آیاق یولونا قویاردی. اولمایا بو خئیر ایش اوچون او جنت لیک اولموشدو. آمما یوخ!.. اون مینلرجه آفتافا سویو ایله اونون دونیادا چیخارتدیغی پوخلاری یوماق اولمازدی! قلئیچی مورتوض بو فیکرلرده ایکن، حئساب-کیتاب ملگی سسلندی: - سیز گئده بیلرسینیز، جنت سیزی گؤزله ییر! قوشقو قورد کیمی قلئیچی نین جانینا دوشدو: - ائی آللاهین بؤیوک ملگی! ائله بیل بیر یانلیشلیق اولوب، سیز بیر کره ده دفتره باخین! ملک گولومسوندو: - یانلیشلیق اولماییب. سیزین بوتون گوناهلارینیز باغیشلانیب. سیزی شفاعت ائله ییبلر! قلئیچی قیس-قیس گولدو: - رحمتلیگین اوغلو ائله بیل باشینا هاوا گلیب، منی کیم شفاعت ائله یه جک؟!.. قلئیچی نین بو سؤزوندن ملک بتر اؤفکه لندی، قاپی آغزیندا دوران ایکی قولوچوماق فریشته یه قیشقیردی: - تئز بو دیلی اوزونو گؤتورون جنته آتین! فریشته لر قلئیچی مورتوضون قولتوقلارینا گیریب سورویه-سورویه ائشیگه چیخارتدیلار. * قلئیچی مورتوض گؤزونو آچدیقدا، اؤزونو اوجسوز-بوجاقسیز بیر باغدا گؤردو. گون دیک تپه ووروردو. باغدا کیمسه یوخ ایدی. قو دئییردین قولاق توتولوردو."بورا جنت دیرسه هانی به حوری-غیلمانی؟!"دئدی اؤز-اؤزونه. جانینا قورخو دوشدو. باغدا خئیلک ایره لی له دیکدن سونرا بیردن قولاغینا تار-قاوال سسی دگدی. سئویندی. بیرآز دا قاباغا گئتدیکده باغین دیبینده گؤزو بیر ائوه ساتاشدی. تار-قاوال سسی ائودن گلیردی. سئوینجک آددیملارینی یئهینلشدیردی. بینانین قاباغینا یئتیشینده، ائوین قاپیسی آچیلیب دده لیگی شیخ آغا ائشیگه چیخدی: - اوغلوم قلئیچی مورتوض گلدین می؟.. تئز آفتافامی دور، آیاق یولونا گئتمه لی یم!



منیم کئیکیمی کیم یئییب؟!

درخواست حذف اطلاعات

منیم کئیکیمی کیم یئییب؟!دوکتور جئری دونن قزئت ساتان، میرزه قلمچی نین بوتکاسیندا اوتورموشدوق. اورتایاشلی بیر کیشی گلیب ایکی کیلو قزئت ایسته دی. میرزه قزئتلری تره زی ده دارتیب کیشی یه وئردی. کیشی قزئتلری بیر-بیر ورق له یه رک بعضی ورقلری آییریب میرزه یه قایتاردی:- باغیشلایین موم اولسا بونلارین دگیشدیرین!میرزه بیر شئی دئمه ییب قزئت لری تره زی نین بیر گؤزونه قویوب آغیرلیغیجا آیری قزئت چکیب کیشی یه وئردی. کیشی یئنه قزئتلری ورقله ییب تکرار بئش- ی ورق آییریب میرزه یه گئری وئردی:- عؤذور دیله ییرم موم اولسا بونلاری دا دگیشدیرین!میرزه بیر آز داریلدی:- سیز قزئتلری نمنه اوچون ایسته ییرسیز؟!کیشی دئدی:- کئیک ینا سالیرام.میرزه دوداقلارینی بوزدو:- بونلاری نییه دگیشدیریرسیز، بونلارکی هم تزه، هم تمیزدیرلر!!کیشی باشینی آشاغی سالدی:- آخی اونلارین اوزه رینده مسئول لارین ع لری وار!!میرزه قاشلارینی چاتدی:- نه دخلی وار؟!!کیشی بیر آز میس-میس ائله یندن سونرا دئدی:- نئچه واختدیر کئیکلری فیریندان چیخارداندا، گؤرورم قیراقلاری، یان-یؤووره سی یئیبلیب، دئییرم اولمایا بو دا مسئول لارین ایشی دیر؟!!



یارانه نین مؤعجوزه سی

درخواست حذف اطلاعات

یارانه نین مؤعجوزه سی دوکتور جئری کئچن آی اگری-بوروق ایداره سی نین باشچیسی یوز میلیارد تومن گؤتوروب کانادایا قاچاندا پولیس بیلدیردی: - آی چیخمامیش سانیقی توتوقلاییب عد الینه تاپشیراجاغیق! بو قیزیقلی خبرین آردینجا، آی باشی موخبیرلر پولیس ایداره توپلاشیب سانیق حاققیندا سوروش ار. پولیس باشقانی آچیقلادی: - سؤز وئردیگیمیز کیمی، سانیقی توتوقلاییب تورمه یه باسدیق! موخبیرلر قین- قین: - بو بیر مؤعجوزه دیر؟! سیز نئجه بو ایشی باجاردینیز؟!..- دئیه سوروش ار. پولیس باشقانی باشی ایله موخبیرلرین سؤزونو اونایلادی: - دوغرودور بو بیر مؤعجوزه دیر! یارانه نین مؤعجوزه سی!! - یارانه نین مؤعجوزه سی؟!!! باشقان گولومسه دی: - ائله دیر!.. بیز قاباقدان بیلیردیک، ایرانلیلار هر شئیدن واز گئچسه لر ده قیرخ بئش مین بئش یوز تومن یارانه لریندن واز گئچمه یه جکلر. بو اوزدن پوسقودا یاتدیق؛ سانیق اوغرونجا اؤلکه یه قاییدیب یارانه سینی آلاندا، خودپردازین قاباغیندا بیله سینی یاخالادیق. موخبیرلرین بیری دیللندی: - بئله ایسه، نییه ایکی آی بوندان قاباق اوچ مین میلیارد تومن گؤتوروب قاچانی توتوقلامادینیز؟! باشقان اوزونتو ایله یانیتدا دئدی: - تاسفله؛ بللی اولمایان ندنلره گؤره، دؤولت اونون یارانه سینی میشدی!



سیزین گوناهینیز نمنه دیر؟

درخواست حذف اطلاعات

سیزین گوناهینیز نمنه دیر؟ دوکتور جئری قیام-قیامت اولموشدو. اینسانلار دؤرد-دؤرد گلیب سورغولانیردیلار. نؤوبت دوکتور جئری، قلئیچی مورتوض، شیئخ آغا و کئفلی ایسکندره گلینجه سورغو ملگی دئدی: - اؤز دیلیزله دونیادا ایشله دیگیز ان بؤیوک گوناهی سؤیله سه ز، گوناهیز باخیشلانیب جننته گئده ج یز. دوکتور جئری باشینی آشاغی سالدی: - من بیر کره عمل ائله ینده اونوتدوم قایچی خسته نین قارنیندا قالدی. سورغو ملگی بارماغی ایله یان طرفده کی بیر تشت سویو گؤستره رک: - گئت، کؤوثر سویوندا اللرینی یو گوناهین تمیزلنسین- دئدی. دوکتور جئری اللرینی سودا یویاندا جنتین قاپیسی اوزونه آچیلدی. سیرا قلئیچی مورتوضا گلدی. قیزارا-قیزارا دئدی: - من دیوارین چاتیندان قونشونون آروادینا باخاردیم! سورغو ملگی گولومسه دی: - گئت کؤوثر سویوندا گؤزلرینی یو، گوناهدان آرین. قئلیچی مورتوض گؤزلرینی تشتده یویاندا، کئفلی ایسکندر ایله شئیخ آغا پیچیلداشاراق سیرادا یئرلرینی دگیشدیردیلر. بو سورغو ملگی نین گؤزوندن یایینمادی. قیزغین-قیزغین: - سیز نییه یئرلریزی دگیشدیز؟- دئیه قیشقیردی. کئفلی ایسکندر اوتانا-اوتانا فیسیلدادی: - منیم گوناهیم چاخیر ایچمکدیر. ایجازه وئرسه نیز من اوّل آغزیمی یویوم گئچیم، آخی شئیخ آغانین گوناهی مملکتین ایچیه سیچماقدیر!



ان بؤیوک یالان هانسی دیر؟!

درخواست حذف اطلاعات

ان بؤیوک یالان هانسی دیر؟!
دوکتور جئری
داناباش کندی نین میللت لری، ایبیش ایله قیبیش رستوراندا یئییب ایچدیکدن سونرا گارسونو چاغیریب دئدیلر:
- بیز مرج باغلامیشیق هر هانکیمیز ان بؤیوک یالانی سؤیله سه، میزین حس نی او بیریسی اؤده یه جک. بو اوزدن سیزدن ایسته ییریک بیزیم آرامیزدا قضاوت ائله یه سینیز.
گارسون گولومسه یه رک راضیلیغینی بیلدیردیکده، ایبیش دئدی:
- بیز مجلیسده بیر لایحه تصویب ائله میشیک؛ 97-نجی ایلده اورمو گؤلو فلاکتلی دورومدان قورتولوب اسکی حالینا قاییداجاق.
بونون آردینجا قیبیش سؤزه باشلادی:
- بیزده مجلیسده بیر لایجه تصویب ائله میشیک؛ 97-نجی ایلده آذربایجانلی لارین میللی-مدنی حاقلاری وئریلیب مدرسه لرده تورکجه اوخوتدورولسون.
گارسون بیر ایبیشین، بیر قیبیش اوزونه باخدی. میللت لری ماراقلا گؤزلرینی گارسونون آغزینا تیکدیلر. گارسون میزین حس نی الینده بوزوشدوره رک دئدی:
- ایکینیزده منده قوناق سینیز!!



هر شئی باهالاشسادا...

درخواست حذف اطلاعات

هر شئی باهالاشسادا... دوکتور جئری والی لیگین ائشیگی قالابالیق ایدی. خالق بیردن-بیره قیزمیشدی سانکی. کیمی آیاغین یئره تاپ ردی، کیمی فیشقا چالیردی، کیمی هارای تپیردی، کیمی یامان دئییردی، کیمی باشینا تاپ ردی، کیمی آغلاییردی... والی تدریرگین-تدریرگین اوتاغیندا وار-گل ائدیردی. یاردیمچی ایچری گیردی. والی طرفینه قوشدو: - نولوب؟!.. بورادا دا میللت باهالیق اوچون ائشیگه تؤکولوبلر می؟! یاردیمچی نین دوداق بوزمه سیندن بیر شئی آنلامایان والی اؤفکه لندی: - سؤیله گؤروم میللت نه دئییر؟! نه ایسته ییر؟! یاردیمچی درین بیر سولوق آلدیقدان سونرا دیله گلدی: - قوربان خالق دئییر: چالدی- چاپدیلار قالسین اویاندا، قاپدی-قاچدیلار قالسین اویاندا، ایشسیزلیک، یوخسولوق، اعتیاد قالسین اویاندا... بئنزینی،گازوییلی باهالاشدیردیز دینمه دیک! گازی، برقی، سویو باهالاشدیردیز دینمه دیک! ائوی، کرایه نی باهالاشدیردیز دینمه دیک! داوانی، درمانی باهالاشدیردیز دینمه دیک! چایی، چؤرگی باهالاشدیردیز دینمه دیک! یاغی، دوگونو باهالاشدیردیز دینمه دیک! اتی، تویوغو باهالاشدیردیز دینمه دیک! یئر آلمانی، سوغانی باهالاشدیردیز دینمه دیک! میوه نی، گؤیو باهالاشدیردیز دینمه دیک! یاردیمچی نین بوش بوغازلیغیندان دؤزومو توکه نن والی قیشقیردی: - بئله ایسه درد-چورلاری ندیر؟!! یاردیمچی باشینی آشاغی سالیب فیسیلدادی: - قوربان دئییرلر: کفنی باهالاشدیردیغیزدان آیاغیمیزی اوزادیب راحات اؤله بیلمیریک!



ایران میللتی آج دئییل!

درخواست حذف اطلاعات

ایران میللتی آج دئییل! دوکتور جئری شئیخ آغا گون اورتا چاغی مسجیده گئدنده، تلویزیونون موخبیری قاباغینی دی: - حاج آغا سیزدن بیر سورغو سوروشا بیله رم؟ شئیخ آغا باشی ایله "هه" دئدی. - نین جومهور باشقانی دونالد ترامپ دئییب: ایران میللتی آجدیر. سیزین بو سؤزه گؤره فیکریز ندیر؟ شئیخ آغا قاش-قاباغینی ساللادی: - ترامپ آنلاماییب بئله دئییب. نین میللتی آجدیر! بیزیم میللت لاپدا توخدور. هئچ یانا گئتمیرم، من ائله اؤزومو دئییرم. دونن مشدی خوجاوئردی نین دده سی نین قیرخی ایدی. ناهار دویونجا قئیمه پیلوو یئدیک، هله بیر قاپلامادا دوروب ائوه آپاردیم. آخشامی دا بزاز حاجی محمدعلی نین قیزی نین کبین مه سی ایدی. یئددی چئشید پیشمیش حاضیرلانمیشدی. یئریز بوش تپه-تیخلام یئدیک. قاییداندا دا یئکه بیر قاپلاما قولتوغوما وئردیلر. بوگون سحر نامازینی قیلدیقدان سونرا دا بیر آللاه بنده سی مسجیدده یاغلی چؤرک پایلادی. چوخ یئمه لی ایدی، بئش دنه یئدیم، یئددی-سککیز دنه ده ائوه آپاردیم... موخبیر شئیخ آغانین سؤزلرینی دی: - حاج آغا سیز همیشه خئیرده-شرده اولوب بیر تورلو قارنیزی دویورورسوز آمما میللتین دورومو بئله دئییل آخی!! شئیخ آغا قاققاناق چکیب گولدو: -هاهاها... رحمتلیگین اوغلو سن نه فیکر ائله ییرسن..میللتین دورمو بیزدن ده یاخشیراقدیر؟! موخبیر چاش-باش اولدو: - سیز هارادان بونو دئییرسیز؟!! بو کز شئیخ آغا سوروشدو: - سن بیلیرسن سوغانین کیلوسو نئچه مین تومندیر؟ - چوخ باهادیر.. اوچ مین، اوچ مین بئش یوز تومن.. - سن بیلیرسن سوغان نییه بو قدر باهادیر؟! - ... - بیلمیرسن من دئییم؛ سوغان بونا گؤره باهادیر، میللت بوللوجا سوغان آلیب یئییرلر ایشتاهلاری آچیلیسن آرتیقراق یئیه بیلسینلر! موخبیر پرت اولدو: - حاج آغا! میللتین چوخو آیدا بیر کیلو ات آلیب یئیه بیلمیر، سیز دئییرسیز: سوغان یئییرلر ایشتاهلاری آچیلسین؟!! شئیخ آغا اگری- اگری موخبیره باخدی: - نییه یئیه بیلمه سینلر؟.. دؤولت اوجوز اتی تؤکوب بازارا.. یئیه نه مینت! - بئله ایسه، حاج آغا سیز آیدا نئچه کیلو ات یئییرسیز؟! شئیخ آغا قاشلارینی چاتیب بیر آز سال-چیخدان سونرا دئدی: - قیرخ کیلو، قیرخ بئش کیلو! موخبیر یردی: - شوخلوق ائله ییرسیز؟!! شئیخ آغا "یوخ" دئمک ایسته ینده، بیر گنج موتورنو اونلارین یاخینلیغیندا ساخلاییب" حاج آغا! حاج آغا! دا...می یئیه سن" دئیه رک باسدی گازا. شئیخ آغا گولومسه دی: - ملاحیظه بویوردوز..ائله ایکی یوز اللی قیرام بو!!



مؤمینلر اؤلندن سونرا هارایا گئده جکلر؟

درخواست حذف اطلاعات

مؤمینلر اؤلندن سونرا هارایا گئده جکلر؟ دوکتور جئری شئیخ آغا بافاسیلینی آلماندا عمل ائله ییب اؤلکه یه قاییدینجا مینبره چیخیب خالقی تقوایا چاغیراراق مؤمینلرین اؤزلیکلرینی بیر-بیر سایماغا باشلایاندا، اؤن سیرادا اوتورموش قلئیچی مورتوض سؤزلرینی یب سوروشدو: - آغا مؤمینلر اؤلندن سونرا هارایا گئده جکلر؟ شئیخ آغا کیتابدا اوخودوغو جنتدن دانیشماق ایسته ینده بیردن فی ی یاتدیغی خسته خانایا گئدیب، غیلمان کیمی اوغلانلارین ینا قاب گتیردیگینی، ملگه بنزه ر قیزلارین واختلی واختیندا یئییب- ایچدیگینی قاباغینا قویدوغونو، حوری تک قادینلارین قولتوغونا گیره رک خسته خانین گولو-چیچکلی باغیندا گزدیردیگینی خاطیرلایاندا دیلیندن چیخدی: - مؤمینلر اؤلندن سونرا آلمانا گئده جکلر!



آنلاق

درخواست حذف اطلاعات

آنلاق دوکتور جئری شاختا-سازاقدان تئیمور آغانین قهوه خاناسینا قیسیلیب اویان-بویاندان دانیشیردیق. اؤلکه ده میللی- مدنی حاقلارین نئجه آلینماسی حاققیندا قونوشماغا باشلایاندا میرزه نیظام ایچری گیردی. قولتوغوندا یئکه بیر نار موشامباسی وار ایدی. نارلار آدمین اوزونه گولوردو! آیاغا قالخیب یئر گؤستردیک. میرزه نیظام اگله شیب نارلاری کیمسه یه بویور ائتمه دن اؤزو ایله دیوارین آراسیندا اوتوراجاغین اوستونه قویدو. بیر-بیریمیزین اوزونه باخدیق. من دریندن بیر آخ چکینجه اوستاد دفتری یئریندن قالخیب نار موشامباسینی میرزه نیظامین یانیندان گؤتوروب میزین اوستونه بوشالداراق دئدی: - سنین آنلاغین یوخدور تعاروف ائده سن بیزیمکی هارا گئدیب؟!!



یاخشی عمل

درخواست حذف اطلاعات

یاخشی عمل دوکتور جئری قیام-قیامت اولموشدو. میزان-تره زی قورولوب اینسانلارین عمل لری دارتیلماقدا ایدی. سیرا شئیخ آغانین آغازاده یئتیشدی. حئساب-کیتاب ملگی ص قدان قالین بیر دفتر چیخاردیب اوخوماغا باشلادی. آغازاده نین رنگ-روفو قاچدی. ملک دفتری واراقلادیقجا اگری-اگری آغازاده یه باخیردی. بیردن ملک: - اشی!..سن عؤمور بویو ایختیلاسدان باشقا بیر ایش گؤرمه ییبسن؟!- دئیه قیشقیردی. آغازاده باشینی آشاغی سالدی. ملک دفتری میزین اوستونه تاپدایاراق یئنه قیشقیردی: - گلین بو اوغرونو آپارین جهننمه! ایکی بوغو بورما مأمور یاخینلاشینجا آغازاده ال-آیاغا، آغلاماغا دوشدو: - قوربان یالواریرام، دفتره یاخشی باخین..من یاخشی ایشلر ده گؤرموشم..منیم حاققیم جهننم دئییل! ملک، آغازاده نین یالوار-یاخارییشلارینی گؤرونجه بیر آز یوموش : - باخ اوغلوم!.. ایختلاسلارینی اوخوماقدان گؤزلریم قارالدی؛ داها دفتری باخا بیله نمه رم. عؤمرونده تکجه بیردنه خئیر عمل گؤروبسنسه دئ، سؤز وئریرم سنی جننته گؤندریم. آغازاده درین بیر دوشونجه یه دالدیقدان سونرا دئدی: - جاوانلیغیمدا یئتیم اوشاقلار ایداره سینده ایستیخدام اولموشدوم. ایداره نین رئیسی حاج آغا چوخ یاخشی بیر اینسان ایدی. آللاه آدامی ایدی. باشی آشاغی ایدی. نامازی، اوروجو، مچیدی ترک اولمازدی. آنجاق بیلیرسیز بو لعنته گلمیش شئیطان آدامی نئجه آزدیریر؟.. بیر گون آنلادیم حاج آغا شئیطانا اویوب یئتیم اوشاقلاین پوللارینی آشیرماق ایسته ییر... ملک ماراقل : - سن نئیله دین؟.. حتما حاج آغانی امر به معروف و نهی از منکر ائله دین؟ آغازاده درین بیر سولوق آلدیقدان سونرا دئدی: - یوخ، قویمادیم اوغورلوق ائله سین. پوللاری اوندان قاباق گؤتورب آرادان یوخ اولدوم.



ائله دده، بئله بالا

درخواست حذف اطلاعات

ائله دده، بئله بالا دوکتور جئری شئیخ آغا اؤلوم یاتاغینا دوشوب سون سولوقلارینی چکمکده ایدی. قلئیچی مورتوض یاشلی گؤزلرله ال-قولتوق دده لیگی نین باشی اوسته اوتورموشدو. هاندان- گئجدن شئیخ آغا گؤزلرینی آچدی: - اوغلانلاریم.. اوغلانلاریم هانی؟! قلئیچی مورتوض ایسته مه دی دئیه،"اوغلانلارین بیری دوستاقدا دیر، ایکیسی ایسه هره سی نئچه یوز میلیاردجیق گؤتورب اؤلکه دن قاچیبلار ". - دده من بوردایم!- دئیه یانیت وئردی. شئیخ آغانین گؤزلری قلئیچی مورتوضا ساتاشدی: - بالا مورتوض سنسن؟ حیاتیمین سون آنلاریندا سنه بیر شئیلری اعتراف ائتمه لی یم. قلئیچی مورتوض یوموشاقجا دده لیگی نین الینی سیخدی. - مورتوض بالام!.. بیلدیگین کیمی من بوتون مال-ثروتیمی ایختیلاسدان، اوغولوقدان، روشوتدن ییغمیشام... قئلیچی مورتوض دده لیگی نین سؤزلرینی دی: - دده ایندی بو سؤزلرین واختی دئییل... - یوخ بالام.. لاپ واختی دیر. - ... - بالام.. بو سون آنلاردا سندن بیر ایستگیم وار.. - بویور دده.. من قوللوغوندایام. - بالا!.. بایاق دئدیگیم کیمی منیم بوتون مال-ثروتیم حارامد ر. سندن ایسته ییرم حالال پولدان منیم اوچون ایکی آرشین کفن آلاسان آللاهین گؤروشنه حارام خلعت ایله گئتمه یم... قلئیچی مورتوض دده لیگی نین الینی یاواشجا بوشلایاراق: - دده.. بیر آز گؤزله من همن قاییدیرام- دئیه اوتاغدان چیخدی. یاریم ساعاتدان، قلئیچی مورتوض قولتوغوندا ایکی آرشین کفن قاپی آغزیندا دایانمیشدی. شئیخ آغانین سؤنوک گؤزلری نین ایچی گولن کیمی اولدو. اینجارسیز سسله سوروشدو: - بالا..کفنی حالال پولدان آلدین؟ قلئیچی مورتوض دده لیگی نین یانیندا اگلشه رک،" هه دده.. آرخایین اولون حالال پولدان آلمیشام.." دئیه آرتیردی: - بازاردا قوجا بیر کیشی گؤردوم. دایاناجاقدا اوتوروب پوللارینی ساییردی. بیله یاخینلاشیب سوروشدوم: عمی بو پوللار حالالدیر؟ قوجا دئدی: هه اوغلوم بو پوللار آنا سود کیمی حالالدیر. من بو پوللاری آلنیمین تری، الیمین قاباری ایله قازانمیشام. شئیخ آغا ماراقل : - سونرا نئجه اولدو؟ قلئیچی مورتوض سویوق قانلیلیقلا آرتیردی: - هئچ!..منده پوللاری الیندن قاپیب، گئتدیم سنه کفن آلدیم!



ترس آوا کندی نین اؤلولری هاچان اویاناجاق؟

درخواست حذف اطلاعات

ترس آوا کندی نین اؤلولری هاچان اویاناجاق؟ دوکتور جئری ائوین تئلئفونو ینتی سیز زنگ چالیردی. یوخودان داشل م. گئجه یاریسی ایدی. خسته خانادان آراییردیلار. تعجیلی عملیات اولوناجاق یامان دوروملو بیر خسته گتیرمیشدیلر. تلم-تله سیک گئیینیب یولا دوشدوم. یاریم ساعات سونرا خسته نین باشی اوسته ایدیم. اوزوقویلو تختین اوستونه اوزادیلمیشدی. اوستونه آغ اؤرتوک چکمیشدیلر. اؤرتوگون اورتالاریندان قان سیزیردی! خسته نی یوخلاماق ایسته دیگیمده اوزونو منه چئویردی. تانیدیم بیله سینی. منیم عسکرلیک یولداشیم، قئلئیچی مورتوض ایدی. حال-احوالینی سوروشا-سوروشا اؤرتوگو قالدیردیغیمدا گؤزلریمه اینانا بیلمه دیم سوروشدوم: - سیلاحداش..باشینا نه ایش گلیب؟! قلئیچی مورتوضون گؤزلری دو. بیر شئی دئمه دی. طیب باجیلارینا دئدیم، خسته نی عمل اوتاغینا آپارسینلار. بئهوشدارینی ووراندا گئنه قلئیچی مورتوضدان سورشدوم: - سیلاحداش دئمه دین باشینا نه ایش گلیب؟! قلئیچی نین گؤزلری سوزوله-سوزله سؤزه باشلادی: - دوکتور!.. من اؤرت باسدیر ماحالی نین ترس آوا کندینده یاشاییردیم. نئچه آی بوندان قاباق آروادیم، خویلو خانیم ایکی آیاغین بیر باشماغا سوخدو؛ گره ک کؤچَک. نه قدر دئدیم:- آی خانیم منیم شهرده نه اؤلوم اؤلوب؟ قولاغینا باتمادی کی باتمادی. سونودا چاره سیزلیکدن مال-قارانی، دده -بابا ائوینی ساتیب یولل ق. گلن گوندن اؤزومه ایش آختارماغا باشلادیم آنجاق نه قدر چوخ آختاردیم او قدر آز تاپدیم. دونن آخشام، آرغین-یورغون ائوه قاییتمیشدیم. دئمه اوتوردوغوم یئرده منی یوخو آپاریب. بیردن گؤردوم؛ آللاهین اولو فریشته سی حضرت اسرافیل دودوک چالان ایستیخدام ائله ییر. آداملارین آراسیندان سوخولوب اؤزمو حضرته چاتدیریب دئدیم:-قوربان منی ایستیخدام ائله یین، منیم تجروبه م وار، من عسکرلیکده شئیپور چالاردیم. حضرت قولومدان یاپیشیب دفترینه آپارا-آپارا دئدی:- قیامت گونون یاخینلاشدیغینا گؤره من هر ماحالا بیر دودوکچو آختاریرام. سنین گؤره وین بودور، قیام-قیامت اولاندا ان اوجا تپه نین باشینا چیخیب دودوک چالاراق اؤلولری اویاداسان. من الیمی گؤزومون اوستونه باسدیم. بیردن گؤردوم قیام-قیامت اولوب من اؤرت باسدیر ماحالی نین ان اوجا یئری اولان قارا تپه نین زیروه سینده دودوک چالماقدایام. اؤنجه داناباش کندی نین اؤلولری قبیرلردن قالخاراق گلیب تپه نین قاباغیندا دای لار. سونرا تکه لی کندی نین اؤلولری گلیب داناباشلیلارین آرخاسیندا سیرایا گئچدیلر. ساغدان دوه لی ، سولدان آختالی کندلری نین اؤلولری یئتیشدیلر. اوزاقدان کفنلرینی یئلله یه- یئلله یه بیر سیرا اؤلو گلیردی؛ اؤز-اؤزومه دئدیم:- یقین بونلار کندیمیز ترس آوانین اؤلولری دیر؟ آنجاق اونلار قویونلو کندی نین اؤلولری ایدی. بس بیزیم ترس آوا کندی نین اؤلولری هارادا اؤلموش ر؟! بلکه دودوگون سسینی ائشیتمه ییبلر؟ دودوگو بتر پوفله دیم. ترس آوالیلاردان گئنه خبر یوخ ایدی! داها بتر پوفله دیم، گئنه خبر یوخ ایدی!! آغ جیگرلریمین بوتون هاواسینی اووورتلاریما توپلایاراق وار گوجومله پوفله ینده هوشوم باشیمدان چیخیب تپه دن آشاغی دیغیرل م. گؤزومو آچاندا اؤزومو خسته خانادا گؤردوم. دودوگو برک پوفله دیگیمدن گؤتوم پاتلامیشدی!...